वेल्जियममा इन्टरनेट प्रोभाइडर टेलिनेटले आज देखि अत्यन्तै छिटो स्तरमा इन्टरनेट गर्नको लागि फाइवरनेट वजारमा उपलव्ध गराएको छ । इन्टनेट जगतमा नै अत्यन्त छिटो मानिने फाइवर नेटको स्पिड १०० MB प्रति सेकेन्ड डाउनलोड स्पिड हुन्छ भने अपलोड स्पिड ५ MB प्रति सेकेन्ड हुन्छ । अहिले प्रति महिना २५० GB डाटा भोल्युम दिने र आगामी जुलाई देखि अनलिमिटेड भ्भोल्युम प्रदान गरिने जानकारी दिइएको छ ।

उक्त कम्पनीका अनुसार फोन टेलिभिजन सहित फाइवरनेट १०० Mb लिनेलाई १२० युरो प्रति महिना वा फाइवरनेट १०० MB लिनेलाई ९९ युरो लाग्ने छ । त्यस्तै फाइवरनेट ५० सहित फोन टेलिभिजन लिनेलाई ८९ युरो वा फाइवरनेट ५० को लागि मात्र ६९ युरो लाग्ने छ । फाइवरनेट ५० को डाटा भोल्युम ५० MB प्रति सेकेन्ड डाउनलोड स्पिड रअपलोड स्पिड २.५ MB प्रति सेकेन्ड हुन्छ ।

अहिले टेलिनेटले उपलव्ध गराएको इन्टरनेट सेवा वढीमा २५ MB स्पिडको थियो ।