सामाजिक नेटवर्किङ साइट फेसबुकले भारतमा आफ्नो कार्यालय खोल्ने भएको छ । फेसबुक प्रयोगकर्ताहरुको बढ्दो संख्यालाई ध्यानमा राख्दै यो नयाँ कार्यालय खुल्ने भएको हो । फेसबुकले एसियामा पहिलो पटक भारतमा कार्यालय खोल्न लागेको हो ।

दक्षिण भारतको हैदराबादमा गुगल, माइक्रोसफ्ट र आईबीएमले पनि आफ्नो कार्यालय यसअघि नै स्थापना गरिसकेका छन् ।

सन् २००४ मा आधिकारिक रुपमा सार्वजनिक भएको फेसबुकका प्रयोगकर्ता ४ करोडभन्दा बढी रहेको बताइएको छ । फेसबुकको आधिकारिक एउटा ब्लगका अनुसार ७० प्रतिशतभन्दा बढी प्रयोगकर्ता अमेरिकाबाहिर रहेका छन् भने तिनले अंग्रेजीबाहेक ७० भाषाबाट सञ्चार र सूचना आदानप्रदान गरिरहेका छन् ।

भारतमा मात्र ८० लाखभन्दा बढी फेसबुकका प्रयोगकर्ताहरु रहेको फेसबुकले दाबी गरेको छ ।